Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин туроператорларга электрон юллама формалаштырырга кушты
РФ Президенты Владимир Путин туроператорларга юлламалар турындагы мәгълүматларны электрон юлламалар бердәм мәгълүмат системасына кертүне таләп итә торган законны имзалады. Документ хокукый мәгълүмат интернет-порталында дөнья күргән.
Законда әйтелгәнчә, туроператорның туристик продуктны электрон юллама формалаштырмыйча гына сату таләбен бозуы аны бердәм федераль реестрдан чыгару өчен сәбәп булачак.
Тиздән туроператорлар турист белән төзелгән килешүдәге мәгълүматларны, бердәм мәгълүмат системасына тапшырмый торып, юллама сата алмаячак. Турагент тәкъдим формалаштырган туроператорга бердәм электрон система эшчәнлеге кагыйдәләре белән билгеләнгән тәртиптә һәм срокта килешү төзү турында белдерү кәгазе тапшырырга тиеш булачак.
«Турист һәм (яки) туристик продуктның башка заказчысы белән язмача, шул исәптән электрон документ формасында килешү төзелгән очракта, турист яки туристлар, аларның сәяхәте турында мәгълүматлар ике дәрәҗәле штрих-код (QR-код) рәвешендә чагылыш табачак», - диелә закон текстында.
«Электрон юллама» системасы кулланучыларны намуссыз компанияләрдән саклар һәм туроператорлар тарафыннан клиентлар алдындагы йөкләмәләрнең үтәлешенә гарантия бирер дип көтелә. Клиентлар исә килешү номеры буенча турның статусын күзәтә алачак.
Кызыклы яңалыкларны күзәтеп бару өчен Телеграм-каналга язылыгыз