Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Путин» түләвен алмыйча вафат булган пенсионерга дигән акчаны туганнары ала алачак
Пенсионер 31 августтан соң вафат булып, сентябрьдә 10 мең сум күләмендә бирелгән түләүне алырга өлгермәсә, акча пенсионер исән чагында алып өлгермәгән пенсия белән бергә бирелә.
(Казан, 20 сентябрь, «Татар-информ»). Пенсионер 2021 елда пенсионерлар өчен билгеләнгән 10 мең сум күләмендәге яңа «Путин» түләвен алырга өлгермичә вафат булган очракта, бу акчаны аның туганнары алырга мөмкин.
«Россия Федерациясе Пенсия фондының Татарстан Республикасы бүлеге 10 мең сум күләмендә бер тапкыр бирелә торган акча илебез территориясендә даими яшәүче һәм 2021 елның 31 августына кадәр пенсионер булган һәр пенсия алучыга түләнә. Әгәр пенсионер 31 августка кадәр вафат булса, үлеме сәбәпле, аңа бер тапкыр түләнә торган акчаны тапшырып булмый», — дип хәбәр итте Россия Федерациясе Пенсия фондының Татарстан Республикасы бүлеге матбугат хезмәте.
Пенсионер сентябрьдә 10 мең сум күләмендә бирелгән түләүне алырга өлгермичә, 31 августтан соң вафат булса, акча пенсионерның исән чагында алмаган пенсиясе белән бергә бирелә.
Гражданнарга Россия Президенты Владимир Путин күрсәтмәсе белән сентябрьдә 10 мең сум акча түләнә. Россиядә пенсионерларга бер тапкыр бирелүче түләүләргә 454 миллиард сум бүлеп бирелгән.
Кызыклы яңалыкларны күзәтеп бару өчен Телеграм-каналга язылыгыз