Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин төбәк башлыкларына халык белән аралашуда Татарстан тәҗрибәсен карарга киңәш итә
Россия Президенты төбәк җитәкчеләренә үзләренең туры элемтәләрен үткәрергә тәкъдим итте.
(Казан, 30 июнь, «Татар-информ», Дарья Сәйфиева). Бүген туры элемтә вакытында Россия Президенты Владимир Путин төбәк җитәкчеләренә дә үзләренең туры элемтәләрен үткәрергә киңәш бирде. Мисал китергәндә, Путин Татарстан тәҗрибәсен искә алды.
Дәүләт башлыгы фикеренчә, бу төбәк хакимиятләренә гражданнарны борчыган иң актуаль проблемаларны ачыкларга һәм төрле юнәлешләрдә үз эшләрен оптималь рәвештә дөресләргә ярдәм итәчәк.
«Бу беркемгә дә комачау итми, чөнки турыдан-туры аралашу кешеләрнең сорауларын дәүләт яки төбәкнең беренче затына бирергә мөмкинлек тууы белән генә мөһим түгел. Гражданнарны борчыган иң актуаль проблемаларны сайлап алу эше тагын да мөһимрәк. Бу социаль сәясәт, сәламәтлек саклау, торак төзелеше өлкәләрендә үз гамәлләреңә төзәтмәләр кертүдә бик мөһим. Төбәк башлыкларына гражданнар гозеренә колак салырга киңәш итәм», — диде Россия лидеры.
Мисал итеп, РФ Президенты төбәкләр, шул исәптән Татарстан тәҗрибәсенә дә тукталды. «Бүгенге көндә Мәскәү, Санкт-Петербург һәм Татарстан Республикасы башлыклары гражданнар белән үзләренең социаль челтәрләре аша актив аралаша», — дип искәртте ул.
Путин шулай ук Россия төбәкләре җитәкчеләренә автомат режимда эшләргә омтылырга кирәклеген әйтте.
Кызыклы яңалыкларны күзәтеп бару өчен Телеграм-каналга язылыгыз