news_header_top
Руc Тат
16+
news_header_bot
news_top
Сәясәт 14 гыйнвар 2018 10:15

Путин штабы ярты миллионнан артык имза җыйган

Имза җыю дәвам итәчәк.

Скопировать ссылку

(Казан, 14 гыйнвар, “Татар-информ”). Дәүләтнең гамәлдәге башлыгы Владимир Путинның сайлау штабы аны яклап 538 меңнән артык имза җыйган. Бу хакта штабның матбугат сәркатибе Андрей Кондрашов җиткергән, дип хәбәр итә РИА “Новости”.

Путинны яклап имза җыю 5 гыйнварда башланды. Закон нигезендә, Путин үз-үзен күрсәтүче буларак, аның өчен Үзәк сайлау комиссиясенә Россиянең 300 меңнән ким булмаган, әмма бер төбәктән 7,5 меңнән артык булмаган имза җыелырга тиеш.

“538 мең 113 имза җыелды. Бүген штаб тарафыннан өстәмә рәвештә 200 мең имза өчен тагын 20 мең имза кую битләрен бастырырга дигән карар кабул ителде”, - дип сөйләгән Кондрашов.

Җыюны дәвам иттерү карары кандидатка ярдәм итәргә теләүчеләргә имза куюда мөмкинлек бирү өчен кабул ителгән.

Өстәмә битләр кандидатның сайлау фонды акчаларына басылачак.
 

#Путин
news_right_1
news_right_2
news_bot