Путин сәүдә үзәкләренең куркынычсыз булуын тикшерергә йөкләде
“Бу ашык-пошык эшләнмәсен”, - диде Россия Президенты.
(Казан, 28 март, “Татар-информ”). Россия Президенты Владимир Путин премьер-министр Дмитрий Медведевка сәүдә-күңел ачу үзәкләре эшчәнлегенең куркынычсыз булуын тикшерергә йөкләде. Бу хакта ТАСС хәбәр итә.
“Бу ашык-пошык эшләнмәсен”, - диде Россия Президенты.
Моннан тыш, Президент тагын бер тапкыр законга карарга өндәде. Аның сүзләренчә, Россия территориясендә гамәлдә булган норматив база кешеләрнең куркынычсызлыгын тәэмин итү өчен барысын да эшләү мөмкинлеген бирә.