Путин Россиянең яңа төбәкләрендә табиблар өчен түләүләрне арттыру турында әйтте
Россиянең яңа төбәкләренә табибларны җәлеп итү өчен, «подъемный» ярдәм акчаларын табиблар өчен 2 млн сумга, ә фельдшерлар өчен 1 млн сумга кадәр җиткерү турында уйларга мөмкин. Туры элемтә барышында Россия Президенты Владимир Путин шулай дип әйтте.
«Проблема аңлашыла. Бу сорау буенча махсус федераль программа булдыру турында тәкъдим бар. Бәлки, Ерак Көнчыгыш үрнәгенә ияреп, табиблар өчен түләүләрне 2 млн сум, фельдшерлар өчен 1 млн сум күләмендә билгеләргә кирәктер. Бу яхшы стимул булыр дип уйлыйм. Бу хакта Хөкүмәт белән сөйләшәчәкмен. Бюджет кабул ителде, ләкин якын киләчәккә тәкъдимнәрне уйларга була», – диде дәүләт башлыгы.
Путин яңа төбәкләрдә ташламалы ипотека программасына да игътибар юнәлтте. Анда ул елына 2 процент күләмендә. Путин фикеренчә, ул программада билгеле бер җитешсезлекләр бар. Хәзер ул ташламалы ипотека яңа торакка гына бирелә, аны икенчел торакка да куллану кирәк, дип саный Президент.