Сәясәт 20 декабрь 2016 06:28

Путин Россиянең Төркиядәге илчесен дәүләт бүләгенә тәкъдим итәргә фәрман бирде

Россия Президенты террор акты нәтиҗәсендә һәлак булган Андрей Карловның эшчәнлеген югары бәяләде.

Скопировать ссылку

(Казан, 20 декабрь, "Татар-информ). Россия Президенты Владимир Путин Тышкы эшләр министрлыгына Төркиядәге илче Андрей Карловны дәүләт бүләгенә тәкъдим итәргә фәрман бирде.Бу хакта РИА Новости хәбәр итә.

Путин Карловның хәрби постында һәлак булуын билгеләп үтте, диелә хәбәрдә. РФ Президенты Тышкы эшләр министрлыгына илченең исемен мәңгеләштерү өчен кирәкле гамәлләрне башкарырга кушты.

Владимир Путин Андрей Карловны үтерүне Россия-Төркия арасын һәм Сириядәге мөнәсәбәтләрне бозу максатыннан эшләнгән дип белдерде.

Исегезгә төшерәбез: Россиянең Төркиядәге илчесе Андрей Карлов кичә Анкарада атып үтерелде. Һөҗүм итүче, элек полициядә эшләгән Мевлют Мерт Алинташ аткан вакытта дини рухтагы лозунглар кычкырган, дип хәбәр итә төрек журналистлары. Һөҗүм итүчене махсус хезмәтләр атып үтергән.

Андрей Карлов - Россиянең һөҗүм нәтиҗәсендә үтерелгән дүртенче илчесе.

1829 елда Россиянең Ирандагы илчесе Александр Грибоедов үтерелә. 1923 - РСФСРның Италиядәге илчесе Вацлав Воровскийны ак гвардия офицеры атып үтерә. 1927 елда СССРның Польшадагы илчесе Петр Войков һөҗүм нәтиҗәсендә үлә.

#Андрей Карлов #Россиянең Төркиядәге илчесе

Сәхифәләр

Путин Россиянең Төркиядәге илчесен дәүләт бүләгенә тәкъдим итәргә фәрман бирде