Путин Россиянең хәлифәлеккә әйләнүенә юл куймаячагын белдерде
"Без моңа юл куймаячакбыз. Карагыз аны, Вашингтон хәлифәлеккә әйләнмәсен”, — дип җиткергән ил Президенты.
(Казан, 15 июнь, "Татар-информ"). Россия Президенты Владимир Путин Оливер Стоунга биргән интервьюсында, Мәскәүдә хәлифәлек булырмы, дигән сорауга андый хәлгә беркайчан да юл куелмаячагын җиткергән, дип яза RT.
“Без моңа юл куймаячакбыз. Карагыз аны, Вашингтон хәлифәлеккә әйләнмәсен”, – дип җиткергән Путин.
Моннан тыш, Россия Президенты дөньядагы бер генә дин дә явызлык чыганагы булырга тиеш түгеллеген билгеләп үткән. Шулай ук Путин, исламда шигыйләр (сөннәтне кире кагып, корьәнне генә танучы мөселманнар) һәм сөннәтләр арасындагы каршылык кайчан да булса бетәргә тиеш дип саный.