Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин Россиядә җитештерелгән суперкомпьютерлар егәрлеген 10 тапкыр арттыруны йөкләде
Россия Президенты Владимир Путин безнең илдә җитештерелгән суперкомпьютерлар егәрлеген 2030 елга 10 тапкыр арттырырга кирәклеген әйтте. Бу күрсәтмәсен ул РФ Федераль җыенга еллык юлламасында бирде.
«Тулаем алганда мәгълүматлар икътисады (экономика данных – Т.И. искәрмәсе) структурасын үстерергә кирәк. Хөкүмәттән мәгълүмат саклау һәм эшкәртү өчен җиһазлар ясау белән шөгыльләнүче компания һәм стартапларга төгәл ярдәм чараларын тәкъдим итүен сорыйм», – диде Владимир Путин.
Президент безнең белгечләрнең ИТ-карарларына инвестицияләр үсеше икътисад үсеше тизлегеннән кимендә ике тапкыр зуррак булырга тиешлеген ассызыклады.
«Цифрлы системалар куллану өчен шартлар мегаполисларда гына түгел, кече шәһәрләрдә, авыл территорияләрендә һәм ераграк районнарда да булырга тиеш. Федераль һәм төбәк трассалары, җирле юл кырыйларында да», – дип искәртте Илбашы.
Моның өчен алдагы дистә елда Россиянең бөтен территориясендә диярлек югары тизлекле интернетка тоташуны тәэмин итәргә кирәк, ди Президент.
«Бу мәсьәләне, шул исәптән, иярченле группировканы үстерү хисабына да хәл итәрбез. Аның үсешенә 116 млрд сум күчерәчәкбез», – диде Владимир Путин.
Кызыклы яңалыкларны күзәтеп бару өчен Телеграм-каналга язылыгыз