Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Путин Россиядә җирле үзидарәне оештыру турындагы законны имзалады
Россия Президенты Владимир Путин ачык хакимиятнең бердәм системасы кысаларында җирле үзидарәне оештыруның гомуми принципларын билгели торган законны раслады. Документ хокукый актлар рәсми порталында урнаштырылган.
Закон җирле үзидарәне билгеләнгән вәкаләтләр чикләрендә җирле әһәмияткә ия мәсьәләләрне хәл итү өчен гражданнарның РФ Конституциясе белән гарантияләнгән үзоешуы формасы буларак билгели.
Документта муниципаль берәмлекләрнең өч төре (шәһәр округы, муниципаль округ һәм федераль әһәмияткә ия шәһәрләрдәге кала эчендәге берәмлекләр) беркетелгән. Төбәк хакимиятләре, бер дәрәҗәле системага күчәргәме, әллә ике дәрәҗәле системаны сакларгамы икәнен хәл итеп, җирле үзидарә моделен мөстәкыйль рәвештә сайлау хокукына ия булачак.
Закон басылып чыкканнан соң 90 көн узгач үз көченә керә. РФ субъектлары 2027 елның 1 гыйнварына җирле үзидарәне оештыруны җайга сала торган тиешле төбәк законнарын кабул итәргә тиеш.
Кызыклы яңалыкларны күзәтеп бару өчен Телеграм-каналга язылыгыз