Путин: Россия Җиңүнең 80 еллыгын бәйрәм итүдә һәркемне күрергә шат булачак
2025 елда Бөек Ватан сугышында Җиңүнең юбилее билгеләп үтеләчәк. РФ Президенты Владимир Путин йомгаклау матбугат конференциясендә белдергәнчә, Россия Җиңүнең 80 еллыгын бәйрәм итәргә килергә теләгән бөтен кешене дә күрергә шат булачак.
«Без бу көннәрдә Мәскәүдә безнең белән булырга һәм әлеге датаны билгеләп үтәргә теләгән бөтен кеше өчен дә ачык», - диде дәүләт башлыгы.
«Без барысын да, шул исәптән нацизмны Җиңүгә өлеш кертүчеләр - Гитлерга каршы коалициядә катнашучыларны да күрергә шат булачакбыз. АКШ һәм Бөекбритания Икенче бөтендөнья сугышында нацизмны Җиңүгә сизелерлек өлеш кертте, әмма аларның югалтуларын советларныкы белән чагыштырып булмый», - дип искәртте Путин.
«Россия совет халкының нацизмны Җиңү хакына нинди корбаннар бирүен беркайчан да онытмаячак», - дип өстәде ул. «Башка илләрдә моны онытырга тырышулары – аларның эше», - дип сүзен төгәлләде РФ Президенты.