Җәмгыять 18 март 2020 12:38

Путин Россия гражданнарын коронавирус аркасында азык-төлекне күпләп алмаска чакырды

Дәүләт башлыгы, икътисади тотрыклылыкка ярдәм итү өчен, ил Хөкүмәте, Үзәк Банк һәм төбәкләрнең төгәл уртак эшен җайга салырга кушты.

Скопировать ссылку

(Казан, 18 март, «Татар-информ»). Россия Президенты Владимир Путин ил гражданнарын коронавирус белән бәйле куркынычлар аркасында зур күләмдә ашамлыклар сатып алмаска чакырды. Бу хакта РИА Новости хәбәр итә.

«Иң мөһиме - кешеләр [вазгыятьнең] ышанычлы булуын аңласын, аннары ыргытырга туры киләчәк азык- төлеккә акча тотмасын», - диде дәүләт башлыгы.

Владимир Путин ил Хөкүмәте, Үзәк Банк һәм төбәкләр арасында икътисади тотрыклылыкка ярдәм итү өчен төгәл уртак эшне җайга салырга кушты.

Бер атна элек, 11 мартта, Бөтендөнья сәламәтлек саклау оешмасы яңа коронавирусның пандемия булуын таныды.

Моннан тыш, Россия Президенты прокуратура хезмәткәрләренә доллар курсы үсеше фонында азык-төлеккә бәяләр формалаштыру һәм Covid-19 таралу куркынычы янау өлешендә хокук бозуларны активрак кисәтергә кушты, бу хакта элегрәк «Татар-информ» хәбәр итте.

#коронавирус #Владимир Путин

Сәхифәләр

Путин Россия гражданнарын коронавирус аркасында азык-төлекне күпләп алмаска чакырды