Путин Россия 2018 елгы чемпионатны югары дәрәҗәдә үткәрәчәген вәгъдә итте
Россия Президенты сүзләренчә, чемпионатта әйдәп баручы уенчылар бөтен осталыкларын эшкә җигеп, чын зур футбол күрсәтергә тиеш.
(Казан, 1 декабрь, «Татар-информ»). Россиядә 2018 елгы Дөнья чемпионатын зур түземсезлек белән көтәләр һәм бу вакыйганы югары дәрәҗәдә үткәрү өчен барлык көчләрен куячаклар. Бу хакта Россия дәүләт башлыгы Владимир Путин 2018 елгы Дөнья чемпионаты финал турниры җирәбәсе тантанасында белдерде, дип яза «Известия».
Россия Президенты сүзләренчә, чемпионатта әйдәп баручы уенчылар бөтен осталыкларын эшкә җигеп, чын зур футбол күрсәтергә тиеш.
Футбол буенча 2018 елгы Дөнья чемпионаты матчларына үз командалары өчен җанатарга килүчеләр онытылмаслык хис-кичерешләр белән калырга тиеш, дип белдерә РФ Президенты.