Рәсми Татарстан 4 февраль 2020 18:41

Путин РФ Конституциясе буенча тавыш биреп үз вәкаләтләрен озайту идеясен кире какты

2020 елда россиялеләр дәүләтнең төп законына бөтенхалык тавыш бирү юлы белән төзәтмәләр буенча үз фикерләрен белдерәчәк.

Скопировать ссылку

(Казан, 4 февраль, «Татар-информ»). РФ Президенты Владимир Путин РФ Конституциясе буенча бөтенхалык тавыш бирү юлы белән дәүләттә югары зат вәкаләтләрен озынайту тәкъдимен кире какты. Ул Россиядә Президент сайлаулары бары альтернатив нигездә генә үткәрелергә тиеш, дип искәртте.

Вәкаләтләрен озайту турындагы сорауны Череповец дәүләт университеты вәкиле Алена Смыслова бирде. «Россия Конституциясенә төзәтмәләр буенча бөтенроссия тавыш бирүе булачак. Үз позициябезне билгеләп, без сезгә, бу төзәтмәләрне керткән кеше буларак, билгеле бер ышаныч вотумын белдерәчәкбез. Халык хәзер үк үз позициясен билгеләсә, Президент сайлауларын да үткәрүнең мәгънәсе бармы?» - дип сорады Смыслова.

Сорауга җавап биреп, Путин бөтенхалык тавыш бирүе — гражданнарның үз ихтыярын белдерүнең иң югары формасы, дип искәртте. «Шуңа күрә мин әлеге төзәтмәләр халыкның үз ихтыярын белдерү юлы белән кабул ителүен яки кабул ителмәвен тәкъдим иттем. Бу демократиянең иң югары формасы. Тик шул рәвешле гамәлдәге Президент вәкаләтләрен озайтуның мәгънәсе бармы? Юк, дип уйлыйм. Чөнки дәүләт башлыгын сайлау альтернатив нигездә булырга тиеш», - диде ул.

Путин аңлатканча, РФ Конституциясенә төзәтмәләр буенча тәкъдим вәкаләтләрне озайту өчен кертелмәгән.

«РФ Президенты һәм Россия Хөкүмәте рәисе булып эшләгән чорда кайбер әйберләрнең тиешле дәрәҗәдә эшләмәве ачыкланды. Мәсәлән, бездә еш кына сәламәтлек саклау, мәгариф өлкәсендә сораулар туа, муниципаль дәрәҗәдә нәрсә дә булса хәл ителми, ә төбәк һәм федераль дәрәҗә моның белән шөгыльләнергә тиеш түгел дип саныйлар. Конституция буенча безнең муниципалитетлар турыдан-туры дәүләт белән бәйле түгел, ә халык алдында бердәм хакимият системасы булдырылырга тиеш», — дип басым ясады дәүләт башлыгы.

РФ Президенты Бүген Череповец шәһәрендә җәмәгатьчелек вәкилләре белән очрашты.

#Владимир Путин

Сәхифәләр

Путин РФ Конституциясе буенча тавыш биреп үз вәкаләтләрен озайту идеясен кире какты