Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин Островскийның 200 еллыгына театр сәнгатендәге казанышлар өчен медаль булдырды
Россия Президенты Владимир Путин «А. Н.Островскийның тууына 200 ел тулу уңаеннан» истәлекле медален гамәлгә куйды - аны театр сәнгате өлкәсендәге казанышлары, Россия театр сәнгате традицияләрен өйрәнүгә һәм үстерүгә зур өлеш керткәннәре, югары сәнгатьле образлар, спектакльләр, кино һәм телефильмнар тудырганнары, чит илләрдә Ватан театрын популярлаштыру буенча актив эшчәнлекләре өчен мәдәният эшлеклеләренә һәм хезмәткәрләренә тапшырачаклар.
«РФ хөкүмәтенә „А. Н.Островскийның тууына 200 ел тулу истәлегенә» юбилей медален тапшыру кагыйдәләрен һәм тәртибен эшләргә һәм расларга, аны РФ Президенты исеменнән тапшыруны оештырырга», - дип әйтелә хокукый мәгълүмат порталында басылган указда.
Россиялеләрдән тыш, медаль белән Россия Федерациясе белән мәдәни элемтәләрне ныгытуга һәм үстерүгә зур өлеш керткән өчен, Россия театр сәнгатенә ярдәм итү буенча нәтиҗәле эшчәнлеге һәм аны чит илләрдә популярлаштыру буенча актив эше өчен чит ил гражданнары да бүләкләнә ала.
Нигезләмә нигезендә, медаль томпактан (бакыр белән цинк иретмәсе) эшләнә һәм аның диаметры 32 мм булган түгәрәк формасында, кырыйлары калку булып тора. Алгы ягында Островскийның рәсеме, әйләнә буенча «А. Н.Островскийның тууына 200 ел тулу истәлегенә» дип язылган. Медальнең икенче ягында рус драматургының имзасы һәм нокта белән бүленгән «1823» һәм «2023» саннары сурәтләнгән. Барлык сурәтләр дә рельефлы.
Кызыклы яңалыкларны күзәтеп бару өчен Телеграм-каналга язылыгыз