Җәмгыять 31 декабрь 2024 13:32

Путин Олимпия уеннары чемпионнары өчен 60 мең сумлык премия булдырды

Скопировать ссылку

РФ Президенты Владимир Путин Олимпия уеннары чемпионнары һәм призерлары өчен президент стипендиясен булдырды. Документ нигезендә, акчалата бүләкнең күләме 60 мең сумны тәшкил итәчәк.

Шулай ук Путин спортта югары нәтиҗәләргә ирешкән яки спортчыга югары нәтиҗәләргә ирешергә ярдәм иткән башка гражданнар өчен РФ Президенты стипендиясен булдырды.

Сүз рәсми ярышлар медалистлары (25 мең сумнан 57 мең сумга кадәр), аларның тренерлары (25 мең сумнан 60 мең сумга кадәр) һәм Россия спорт җыелма командалары белгечләре (25 мең сумнан 53 мең сумга кадәр), шулай ук Паралимпия уеннары медалистлары (32 мең сумнан 42 мең сумга кадәр), Бөтендөнья саңгыраулар уеннары (60 мең сум) һәм Сурдлимпия уеннары (60 мең сум) турында.

Документ спортта югары нәтиҗәләргә ирешкән яки спортчыга югары нәтиҗәләргә ирешергә ярдәм иткән россиялеләргә социаль ярдәм күрсәтү өчен кабул ителгән.

Элегрәк хәбәр ителгәнчә, Россиядә РФ Кораллы көчләре белән контракт төзегән легаль булмаган мигрантларны депортацияләмәячәкләр – Путин указы.

Сәхифәләр

Путин Олимпия уеннары чемпионнары өчен 60 мең сумлык премия булдырды