Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Путин Никитинны транспорт министры вазифаларын вакытлыча башкаручы итеп билгеләде
Россия Президенты Владимир Путин Андрей Никитинны транспорт министры вазифаларын вакытлыча башкаручы итеп билгеләү турындагы указны имзалады. Бу хакта Кремльнең матбугат хезмәте хәбәр итә. Документ үз көченә керде инде.
Указга кул куйганнан соң дәүләт башлыгы Никитин белән эшлекле очрашу уздырды. Путин транспорт өлкәсенең ил өчен әһәмиятен билгеләп үтте, Никитин үзенең бөтен тәҗрибәсен һәм күнекмәләрен тармак алдында торган төп бурычларны хәл итүдә кулланыр дигән ышаныч белдерде. Парламент уңай карар кабул итсә, Президент аның кандидатурасын даими нигездә хупларга әзер.
Премьер-министр Михаил Мишустин Никитинның профессиональ һәм шәхси сыйфатларын уңай бәяләде, аның алдагы вазифалардагы казанышларын билгеләп үтте.
Никитин илнең транспорт системасын үстерү өчен бөтен көчен куячагын белдерде. Аның сүзләренчә, Россия масштабында икътисад һәм халык ихтыяҗларына җавап бирә торган нәтиҗәле инфраструктура булдырырга кирәк.
Кызыклы яңалыкларны күзәтеп бару өчен Телеграм-каналга язылыгыз