Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин медицина хезмәткәрләренең компенсацияләрен саклап калырга кушты
Россия Президенты Мәскәүдә Сәламәтлек саклауның беренчел звеносын модернизацияләү мәсьәләсе буенча киңәшмә үткәрде.
(Казан, 3 октябрь, «Татар-информ»). Медицина хезмәткәрләренең окладын арттыру компенсация түләүләре күләмендә чагылырга тиеш түгел. Шул турыда Россия Президенты Владимир Путин Мәскәү Кремлендә узган киңәшмәдә хәбәр итте. Бу хакта Sputnik радиосы хәбәр итә.
«Оклад өлешен арттырганда компенсация түләүләре һәм башка өстәмә түләүләрнең кимемәве мөһим, андый фокус булмасын иде», – диде Путин.
Киңәшмә барышында Россия Сәламәтлек саклау министры Вероника Скворцова хезмәт хакы структурасында окладлар буенча гарантияләнгән түләүләр өлешен 55 проценттан да ким итмичә Россия Хөкүмәте акты белән беркетү кирәклеге турында белдерде. Биредә Россия Президенты указларында күрсәтелгән уртача хезмәт хакы дәрәҗәсеннән ким булмау исәпкә алына.
Аның сүзләренчә, бу эшне 2020 елның апреленнән дә соңга калмыйча төгәлләү барлык субъектларга да хезмәт өчен түләү буенча максатчан күрсәткечләргә ирешүнең «юл карталарын» эшләргә мөмкинлек бирәчәк.
Кызыклы яңалыкларны күзәтеп бару өчен Телеграм-каналга язылыгыз