Җәмгыять 19 декабрь 2023 20:23

Путин махсус хәрби операциядә катнашучыларга «Алтын йолдыз» медален тапшырды

Скопировать ссылку

РФ Президенты Владимир Путин махсус хәрби операциядә катнашучы Россия Геройларына «Алтын йолдыз» медален тапшырды. Бүләкләү тантанасы Россия Оборона идарәсенең илкүләм үзәгендә узды. Бу хакта Кремль матбугат хезмәте хәбәр итте.

Россия лидеры, хәрби хезмәткәрләргә мөрәҗәгать итеп, махсус хәрби операция барышында анда катнашучылар алгы сызыкта иң катлаулы участокларда хәрби бурычын үтәвен әйтте.

«Мин сезгә һәм сезнең полкташларыгызга рәхмәт белдерәм, чөнки сез алардан башка, мөгаен, бу эшләрне башкара алмас идегез. Сезгә батырлыгыгыз һәм көчле рухлы булуыгыз өчен рәхмәт. Безнең ил, безнең барлык гражданнар сезнең белән горурлана һәм сезгә ышана», - диде Путин.

Ул шулай ук хәрби хезмәткәрләргә төрле җитди сынауларны җиңеп, катлаулы хәрби шартларда эш итәргә туры килүен әйтте. Әмма махсус хәрби операциядә катнашучыларның сугышчан кәефе ярдәмендә Россия һичшиксез куелган максатларга ирешәчәк, дип ышана Путин. Шулай ук Россия гражданнарны, суверенитетны һәм Туган илнең иминлеген ышанычлы яклый алачак.

«Сезгә зур рәхмәт. Бик яхшы, данлы хезмәт, хәрби бурычка һәм антка тугрылык өчен рәхмәт», - диде Путин.

#махсус хәрби операция #россия герое

Сәхифәләр

Путин махсус хәрби операциядә катнашучыларга «Алтын йолдыз» медален тапшырды