Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Путин һәлакәтләр өчен җаваплылыкны катгыйландыру турында законны имзалады
Шулай ук авыр җинаятьләр категориясенә саксыз эшләр дә өстәлә, аларны кылган өчен максималь җәза 15 елдан артмый.
(Казан, 17 июнь, «Татар-информ»). Владимир Путин һәлакәтләр өчен җаваплылыкны катгыйландыру турында законны имзалады. Бу хакта РИА Новости хәбәр итә.
Әгәр дә юл- транспорт һәлакәтләре сәламәтлеккә авыр зыян китерсә, өч елдан алып җиде елга кадәр иректән мәхрүм итү (хәзер - дүрт елга кадәр) карала, җәза катгыйлана. Юл-транспорт һәлакәтләре кеше үлеменә китергән булса, җәза биш елдан алып 12 елга кадәр (хәзер — ике елдан алып җиде елга кадәр) катгыйлана.
Ике яки аннан да күбрәк кеше һәлак булса, сигез елдан 15 елга кадәр иректән мәхрүм итү белән (хәзер - дүрттән тугыз елга кадәр) җәза катгыйлана.
Моннан тыш, закон тимер юл, һава, диңгез һәм эчке су транспортында һәм метрополитенда исерек килеш шундый ук җинаять кылган өчен, Җинаять кодексының 263 маддәсенә үзгәрешләр кертеп, җәзаны катгыйландыра.
Шулай ук авыр җинаятьләр категориясенә саксыз эшләр дә өстәлә, аларны кылган өчен максималь җәза 15 елдан артмый.
Кызыклы яңалыкларны күзәтеп бару өчен Телеграм-каналга язылыгыз