Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Путин коронавируска каршы көрәш чаралары турында видеоэлемтә аша киңәшмә үткәрәчәк
Татарстанда бер көн эчендә коронавирус инфекциясе йоктыруның 11 яңа очрагы теркәлгән, шуның яртысына якыны – Казан һәм Чаллы шәһәрләрендә.
(Казан, 13 апрель, «Татар-информ»). Бүген Россия Президенты Владимир Путин илдә Covid-19 коронавирус инфекциясе таралуын кисәтү чаралары турында киңәшмә үткәрә. Киңәшмәдә докладлар белән РФ вице-премьеры Татьяна Голикова һәм Мәскәү мэры Сергей Собянин чыгыш ясаячак. Бу хакта Sputnik радиосы Кремльнең рәсми вәкиле Дмитрий Песковка сылтама белән хәбәр итә.
«Көннең икенче яртысында видеоконференция режимында Россиядәге санитар-эпидемиологик вазгыять буенча киңәшмә узачак. Киңәшмәдә Татьяна Голикова һәм Сергей Собянин докладлар белән чыгыш ясаячак. Әлбәттә инде, Президент та сүз алачак. Шулай ук коронавируска каршы көрәштә эшләрнең торышына бәйле рәвештә фикер алышулар да үткәреләчәк», - дип ачыклык кертте дәүләт башлыгының матбугат сәркатибе.
Роспотребнадзор мәгълүматлары буенча, соңгы тәүлектә илнең 62 төбәгендә коронавирус инфекциясе йоктыруның 2,5 меңнән артык яңа очрагы расланган. Татарстанда 11 яңа очрак ачыкланган, шуның яртысына якыны – Казан һәм Чаллы шәһәрләрендә.
Бүгенге көндә Россиядә коронавирус инфекциясе йоктыруның 18,3 мең очрагы теркәлгән, 148 кеше үлгән, 1,4 меңгә якын якын пациент терелгән.
Кызыклы яңалыкларны күзәтеп бару өчен Телеграм-каналга язылыгыз