Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин көнбатыш турында: Безнең эчке эшләргә тыкшынырга берәүгә дә рөхсәт бирмибез
Россиянең сәяси системасы – ил суверенитеты терәкләренең берсе. Бу хакта Россия Президенты Владимир Путин Федераль Җыенга еллык юлламасында әйтте.
«Демократия институтларын алга таба да үстерәчәкбез. Эчке эшләребезгә тыкшынырга берәүгә дә рөхсәт бирмәячәкбез», – диде.
Президент сүзләренчә, көнбатышның бөтен дөнья буенча милли конфликтлар кабызу гадәте ил үсешен тоткарлап калуга гына омтылмый.
«Россия урынына аларга теләсә нәрсә эшли алырлык, үлеп бара торган киңлек кирәк. Алар Россиядә дөньяның башка төбәкләрендә, шул исәптән Украинада кылган гамәлләрен кабатларга тели. Безне какшатып, эчтән зәгыйфьләндерергә омтыла. Ләкин алар ялгышты, моңа ирешә алмады. Бу ачыктан-ачык күренә. Безнең күп милләтле халыкның катгый позициясе белән очрашты алар», – ди Путин.
Ул безнең солдатлар һәм офицерлар, христианнар һәм мөселманнар, буддистлар һәм иудаистлар, төрле милләт һәм мәдәният вәкилләре Россия халыклары бердәмлеге бик зур, бар нәрсәне җиңә торган көч булуын сүз белән түгел, гамәлдә исбатлаганын билгеләп узды.
«Иңгә-иң куеп, алар Ватан өчен көрәшә. Без, Россия гражданнары, ирегебезне, тыныч тормышка хокукыбызны яклаячакбыз. Буыннар бәйләнешен саклап, үз юлыбызны бары тик үзебез билгеләячәкбез. Ил алдында торган бурычларны хәл итәчәкбез», – диде Путин.
Кызыклы яңалыкларны күзәтеп бару өчен Телеграм-каналга язылыгыз