Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин: Көнбатыш безне кораллануның яңа ярышына тартып кертергә тели
Көнбатыш, 1980 еллар трюгын кабатлап, Россияне хәлсезләндерү өчен, илне коралланышның яңа узышына тартып кертергә тели. Бу хакта РФ Президенты Владимир Путин Федераль җыенга еллык юлламасында әйтте.
«Без, Көнбатыш безне коралланышның яңа узышына тартып кертергә теләгәнен аңлыйбыз. Шул рәвешле, безне хәлсезләндереп, 1980 елларда Советлар Союзы белән кылган гамәлләрен кабатларга ниятлиләр», – ди Путин.
Илбашы РФ бурычы оборона-сәнәгать комплексын үстерү, илнең фәнни, технологик, индустриаль потенциалын үстерү искәнен ассызыклады.
«Ресурсларны мөмкин кадәр дөрес бүләргә, кораллы көчләрнең нәтиҗәле икътисадын төзү, оборона чыгымнарының һәр тотылган сумының нәтиҗәлелегенә ирешү мөһим. Социаль, демографик, инфраструктура һәм башка бурычларны хәл итү тизлеген арттырып, армия һәм флотны җиһазлауның яңа баскычына чыгарга кирәк», – диде Президент.
Путин сүзләренчә, бу беренче чиратта, гомуми билгеләнештәге көчләргә, радиоэлектроника көрәше системаларына, разведка һәм башка көрәш чараларына кагыла.
«Көнбатыш стратегик юнәлештәге группировкаларны ныгыту мөһим, бу НАТОның Көнчыгышка киңәюе, альянска Швеция һәм Финляндияне җәлеп итү белән бәйле куркынычларны киметү өчен кирәк», – дигән бурыч куйды Президент.
Ул Көнбатыш Украинада, Якын Көнчыгышта конфликтка коткы салуын һәм алдавын дәвам итүен искәртте. «Хәзер оялмыйча да Россия, имеш, Европага һөҗүм әзерли, дип әйтәләр. Без бит аларның тузга язмаган нәрсә сөйләгәнен аңлыйбыз, шул ук вакытта безнең территориядә һөҗүм өчен нокталар сайлыйлар, үзләре уйлаганча иң нәтиҗәле көрәш чараларын сайлыйлар», – ди Путин.
«Алар бездә дә, аларның территорияләрендәге урыннарны тар-мар итәргә сәләтле корал булуын аңларга тиеш», – диде Президент.
Кызыклы яңалыкларны күзәтеп бару өчен Телеграм-каналга язылыгыз