Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин киләсе президентлык срогына үз кандидатурасын күрсәтү турындагы мәсьәләне әлегә хәл итмәгән
"Бу алга таба илдә президент һәм хөкүмәт дәрәҗәсендә эш нәтиҗәләренә бәйле", - диде РФ башлыгы
(Казан, 18 декабрь, «Татар-информ», Надежда Гордеева). Владимир Путин киләсе президентлык срогына үз кандидатурасын күрсәтү турындагы мәсьәләне әлегә хәл итмәгән. Бүген бу хакта ул Мәскәүдә узган киңәйтелгән матбугат конференциясендә журналистларга хәбәр итте.
"Бу алга таба илдә президент һәм хөкүмәт дәрәҗәсендә эш нәтиҗәләренә бәйле. 2018 елгы президент сайлаулары турында карар кабул итәргә иртәрәк. Россия Федерациясе гражданнары мәнфәгатьләрен яклап катгый эшләргә кирәк. Шуның нәтиҗәсе һәм җәмгыятьнең кәефенә карап, 2018 елда кем сайлауга баруы турында нәтиҗә ясап булачак", - диде РФ башлыгы.
Ул ассызыклаганча, илдәге бөтен вакыйгалар өчен дәүләт башлыгы җаваплы. "Мин бу җаваплылыктан беркайчан да качмадым һәм җыенмыйм да, - дип вәгъдәләде ул. - Тулаем алганда, мин административ структура да, хөкүмәт һәм финанс хакимиятләре дә ил алдындагы бурычларны хәл итә ала дип саныйм", - дип бу мәсьәләдә сүзен йомгаклады В. Путин.
Кызыклы яңалыкларны күзәтеп бару өчен Телеграм-каналга язылыгыз