Путин киләсе президент сайлауларына үз кандидатурасын үзе тәкъдим итәчәк
Путинның сайлау алды штабы җитәкчесе әлегә мәгълүм түгел.
Скопировать ссылку
(Казан, 14 декабрь, «Татар-информ»). Владимир Путин киләсе президент сайлауларына үз кандидатурасын үзе тәкъдим итәчәк. Бу хакта ул Мәскәүдәге зур матбугат конференциясендә белдерде.
Шул ук вакытта, Россия лидеры: "<…> әмма мин, әлбәттә, минем ил үсешенә булган карашымны уртаклашкан сәяси көчләр - партияләр һәм иҗтимагый оешмалар ярдәменә өметләнәм", - диде. Моннан тыш, ул кандидатурасы киң җәмәгатьчелек тарафыннан хупланачак дип саный.
Путинның сайлау алды штабы җитәкчесе әлегә мәгълүм түгел. Дәүләт башлыгы әйткәнчә, бу вазифа "илдәге билгеле, абруйлы", Путин сәясәтен хуплаучы кешеләрнең берсенә тапшырылачак.