Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин кайбер пенсияләрне гариза язмыйча билгеләү турындагы закон имзалады
Ата-анасы билгеле булмаган балалар, туендыручысыннан мәхрүм калган гаиләләр һәм халыкның кайбер башка категорияләре социаль һәм иминият пенсияләрен гариза бирмичә ала башлаячак. Бу хактагы законны бүген Россия Президенты Владимир Путин имзалады.
Түләүләр пенсия белән тәэмин итү өчен җаваплы орган карамагындагы мәгълүмат нигезендә билгеләнәчәк, дип күрсәтелгән законда. Пенсияләр түләү турында карар кабул итү өчен биш эш көненнән дә артык вакыт сарыф ителмәячәк.
Граждан иминият дә, социаль пенсия дә алырга хокуклы булса, аңа табышлырак булган түләү билгеләнә.
Моннан тыш, «хезмәткә яраксыз гражданнар» төшенчәсе төгәлләштерелде. Шулай итеп, аңа уку тәмамланган елның 1 сентябренә кадәрге чорда төп гомуми яисә урта гомуми белем бирү программалары буенча укуларын тәмамлаган балигъ булмаганнарны керттеләр.
Кызыклы яңалыкларны күзәтеп бару өчен Телеграм-каналга язылыгыз