Җәмгыять 20 декабрь 2018 13:54

Путин интернетта җаваплылык интернеттан тыш тормыштагы кебек булырга тиеш дип саный

Президент дәүләт флагларын һәм символларын мәсхәрә итү өчен җаваплылыкның күп илләрдә булуын искә төшерде.

Скопировать ссылку

(Казан, 20 декабрь, "Татар-информ"). Интернетта дәүләт флагларын мәсхәрә итү өчен җаваплылык, дөнья пәрәвезеннән тыш булган тормыштагы кебек булырга тиеш. Россия Президенты Владимир Путин бүген матбугат очрашуында сорауларга җавап биреп, шундый фикерен җиткерде.

"Интернеттан читтә җаваплылык бар икән, ул интернетта да булырга тиеш. Интернетта үз-үзеңне тоту аның читләрендәге гамәлләреңнән нәрсәсе белән аерыла? Бу шул ук җәмгыять. Өстәвенә, интернет безнең тормышның барлык өлкәләренә дә үтеп керде", - диде президент.

Ул дәүләт флагын һәм дәүләтнең башка символларын мәсхәрә итү өчен җаваплылык күп илләрдә булуын искә төшерде.

"Үз илеңә хөрмәт белән карарга кирәк. Бөтен җирдә дә үтәлергә тиешле кагыйдәләр бар", - дип өстәде Владимир Путин.

#путин #интернет #матбугат конференциясе

Сәхифәләр

Путин интернетта җаваплылык интернеттан тыш тормыштагы кебек булырга тиеш дип саный