Җәмгыять 29 май 2022 15:16

Путин ИННны Дәүләт хезмәтләре порталы аша алу мөмкинлеген бирә торган законны имзалады

Скопировать ссылку

РФ Президенты Владимир Путин россиялеләргә салым түләүченең идентифакция номерын (ИНН) Дәүләт хезмәтләре порталы аша электрон рәвештә алу мөмкинлеген бирә торган законны имзалады. Документ хокукый мәгълүмат интернет-порталында дөнья күргән.

Закон гамәлгә кергәннән соң Россия гражданнары физик затның электрон имзасыннан файдаланып Дәүләт хезмәтләре порталында ИНН алу турында гариза тапшыру мөмкинлегенә ия булачак. Салым органы исә электрон документ рәвешендә исәпкә кую турында таныклык җибәрә алачак.

Документ РФ Салым кодексына төзәтмәләр кертә, аның инициаторы – Россия Хөкүмәте. Закон 2022 елның 1 декабреннән үз көченә керәчәк.

«Татар-информ» агентлыгы Владимир Путинның контракт буенча хезмәт итү өчен югары яшь чиген закон нигезендә гамәлдән чыгаруы турында элегрәк хәбәр иткән иде.

Сәхифәләр

Путин ИННны Дәүләт хезмәтләре порталы аша алу мөмкинлеген бирә торган законны имзалады