Путин илкүләм проектлар буенча җәмәгатьчелек белән чаралар сериясе башлануын игълан итте
Әңгәмә темасы булып "Торак һәм шәһәр мохите” илкүләм проектын тормышка ашыру торды.
(Казан, 12 февраль, “Татар-информ”). Россия Президенты Владимир Путин Казанда бүгенге чаралардан милли проектларны гамәлгә ашыру буенча җәмәгатьчелек белән киңәшмәләр сериясе башлануын белдерде. Бу хакта ул “Торак һәм шәһәр мохите " илкүләм проектын тормышка ашыру темасы булган беренче очрашуда җиткерде.
"Бүгенге чаралар белән Казанда мин мондый очрашулар, киңәшмәләр һәм фикер алышулар сериясен башлап җибәрәсем килә", — диде ул Казанда киңәшмәне әнә шундый сүзләр белән ачып.
Милли проектлар сериясе Россиянең төп үсеш юнәлешләре буенча алга баруын тәэмин итәргә тиеш, дип өстәде Россия Президенты.
“Татар-информ” элек Россия Президенты Владимир Путинга Казанда яңартылган “Мәскәү " мәдәни-спорт үзәген тәкъдим иттеләр, дип хәбәр иткән иде.