Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин фән белән шөгыльләнүче аспирантлар өчен 75 мең сумлык айлык стипендия булдырган
Россия лидеры Владимир Путин аспирантлар һәм адъюнктлар өчен айлык президент стипендиясе булдыру турында указга кул куйды. Сүз көндезге бүлектә укучы һәм Россиядәге фәнни-технологик үсеш өстенлекләрен гамәлгә ашыру өчен тикшеренү эшчәнлеге белән шөгыльләнүчеләр турында бара. Стипендия күләме 75 мең сум тәшкил итәчәк.
Документ хокукый актларны рәсми бастыру порталында урнаштырылган. «<...> б) Россия Федерациясе Президенты стипендиясе бер елдан дүрт елга кадәр билгеләнә һәм ай саен түләнә», — диелә бер пунктта.
Указ текстында шулай ук мондый стипендия алучыларның гомуми саны елына 2 меңнән артмаска тиешлеге ассызыклана.
Татарстанда 2030 елга кадәр фәнни-техник үсеш дәүләт программасын апрель аенда расладылар. Аны гамәлгә ашыруга 7,6 млрд сум акча юнәлтергә карар ителде.
Кызыклы яңалыкларны күзәтеп бару өчен Телеграм-каналга язылыгыз