Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Путин фән һәм инновацияләр өлкәсендә Россия Президенты премияләрен тапшырачак
Красноярскида булганнан соң Россия лидеры Новосибирскига килде.
(Казан, 8 февраль, «Татар-информ»). Бүген Новосибирскида яшь галимнәр фән һәм инновацияләр өлкәсендә Россия Президенты премияләрен алачак. Премияләрне Россия лидеры Владимир Путин тапшыра, дип хәбәр ителә Кремль сайтында.
Красноярскида булганнан соң Россия лидеры Новосибирскига килде. Ул Красноярскида, аерым алганда, аэропортның яңа терминалын карады. Себер федераль округы административ үзәгендә берничә чара планлаштырылган, алар арасында Фән һәм мәгариф советы утырышы да бар.
Моннан тыш, РФ Президенты Академшәһәрчектә булып, Россия Фәннәр академиясенең Себер бүлеге галимнәре белән очрашырга ниятли.
2017 ел өчен фән һәм инновацияләр өлкәсендәге премия лауреатларының исемнәре 5 февраль көнне билгеле булды. Әлеге премия Петербург тарихчысы Никита Башнин, Новосибирск геологы Константин Кох һәм Мәскәү физигы Максим Никитинга тапшырылачак.
Кызыклы яңалыкларны күзәтеп бару өчен Телеграм-каналга язылыгыз