Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин Эрдоган белән сөйләшкәндә Татарстанда Төркия инвестицияләре күплеген билгеләп үтте
Төркия инвестицияләре Россиянең барлык төбәкләре арасында иң күбе Татарстан Республикасында күзәтелә. Бу хакта Россия Президенты Владимир Путин Казанда узучы БРИКС саммиты кысаларында Төркия лидеры Рәҗәп Тайип Эрдоган белән очрашуда белдерде.
«Төркия бизнесы бездә машина төзелеше, металлургия, агач эшкәртү өлкәсендә шактый дәрәҗәдә тәкъдим ителгән. Өстәвенә, сезнең инвестицияләр, инвестиция проектлары иң күбе нәкъ менә Татарстанда тупланган», - дип билгеләп үтте РФ Президенты.
«<...> Россия компанияләре Төркия икътисадының металлургия һәм автомобиль төзелеше кебек тармакларында зур проектлар тормышка ашыра», - дип билгеләп үтте шул ук вакытта Путин.
TRT Төркия телеканалы мәгълүматы буенча, Казанда ике Президентның очрашуы якынча 55 минут дәвам иткән. Анда Россия делегациясе составында Татарстан Рәисе Рөстәм Миңнеханов катнашкан.
Төркия – Татарстанның әйдәп баручы чит ил партнерларының берсе. Төркия компанияләре республикага 2 миллиард долларга якын инвестицияләгән. Алар биредә берничә заманча завод һәм кунакханә төзегән.
Узган ел Татарстан белән Төркия арасында товар әйләнеше 2,5 мәртәбә артты һәм 2,9 миллиард долларга җитте.
Кызыклы яңалыкларны күзәтеп бару өчен Телеграм-каналга язылыгыз