Путин дүрт татарстанлыны рәхмәт хаты белән бүләкләде
Скопировать ссылку
Россия Президенты Владимир Путин Татарстанның транспорт һәм юл хуҗалыгы министры урынбасары Ранис Фәйзуллинны рәхмәт хаты белән бүләкләде. Бу хакта карар хокукый мәгълүматлар рәсми порталында урнаштырылган.
Президентның рәхмәт хатына шулай ук Татарстанның агросәнәгать комплексы ветераннары иҗтимагый оешмасы әгъзасы Харис Камалиев, Татарстанның «Халыкара программалар дирекциясе» генераль директоры Алинә Рәүзетдинова һәм оешманың генераль директоры урынбасары Екатерина Камалова лаек булды.
Ранис Фәйзуллин 2025 елның декабреннән Татарстанның транспорт һәм юл хуҗалыгы министры урынбасары вазифасын башкара.