Спорт 22 ноябрь 2016 17:57

Путин допинг куллануга җәлеп иткән өчен җинаять җаваплылыгы турындагы законга кул куйды

Әлеге яңа норманың авторлары – Россия Дәүләт Думасына Татарстаннан сайланган депутатлар Илдар Гыйльметдинов һәм Марат Бариев.

Скопировать ссылку

(Казан, 22 ноябрь, «Татар-информ»). Россия Президенты Владимир Путин бүген спортчыларны допинг куллануга җәлеп иткән өчен җинаять җаваплылыгы турындагы законны имзалады. Бу хактагы документ илнең рәсми хокукый-мәгълүмат интернет-порталында басылып чыкты.

Хәзер “тренер, спорт медицинасы яисә физик культура һәм спорт буенча махсус белгеч спортчыны спортта куллану өчен тыелган субстанция һәм (яисә) методларны куллануга җәлеп итсә”, өч елдан биш елга кадәр ирегеннән мәхрүм итү җаваплылыгы яный. Шулай ук нормада төрле штрафлар да каралган. Спортчыларның үзләренә әлеге закон кагылмый.

Яңа норманың авторлары – РФ Дәүләт Думасына Татарстаннан сайланган депутатлар Илдар Гыйльметдинов һәм Марат Бариев. РФ Дәүләт Думасы Җинаять кодексына төзәтмәләрне 3 ноябрьдә кабул иткән, РФ Федерация Советында канун 16 ноябрьдә хупланган.

#допинг #Илдар Гыйльметдинов #Марат Бариев

Сәхифәләр

Путин допинг куллануга җәлеп иткән өчен җинаять җаваплылыгы турындагы законга кул куйды