Дин 23 октябрь 2014 16:00

Путин дини йолаларны хакимият белән килештермичә үткәрү мөмкин булган урыннар турындагы законны имзалады

Дини йолаларны дини оешмалар биналарында, хаҗ кылу урыннарында, зират һәм крематорийларда үтәргә ярый

Скопировать ссылку

(Казан, 23 октябрь, «Татар-информ»). Россия Президенты Владимир Путин дини йолаларны үткәрү урыннарын регламентлаучы законны имзалады. Документ РФ Дәүләт Думасы тарафыннан кабул ителеп, Федерация Советы тарафыннан хупланган.

Дини йолаларны дини оешмалар биналарында, хаҗ кылу урыннарында, зират һәм крематорийларда, торак йортларда кылырга ярый, дип хәбәр итә ТАСС. "Башка очракларда, иҗтимагый тәртип һәм куркынычсызлык тәэмин итүне таләп иткән шартларда җәмәгать урыннарында үткәрелгән дини йолалар һәм тантаналар (гыйбадәт кылу һәм дини җыеннарны да кертеп), митинг, тантаналы йөреш һәм демонстрацияләрне уздыру өчен кабул ителгән тәртиптә башкарыла", - диелгән законда.

Сәхифәләр

Путин дини йолаларны хакимият белән килештермичә үткәрү мөмкин булган урыннар турындагы законны имзалады