Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Владимир Путин дәүләт хакимияте органнарына чит ил софтын куллануны тыйды
Россия Президенты Владимир Путин бүген технологик бәйсезлекне тәэмин итү турындагы указга кул куйды.
Хокукый мәгълүматның рәсми интернет-порталында урнаштырылган документ нигезендә 2025 елның 1 гыйнварыннан дәүләт хакимияте органнарына чит ил программаларын куллану тыела.
«2025 елның 1 гыйнварыннан дәүләт хакимияте органнарына, заказчыларга үзләре карамагындагы критик мәгълүмати инфраструктураның мөһим объектларында чит ил программалары тәэминатын файдалану тыела», — диелә документта.
Моннан тыш, иртәгәдән, 31 марттан, дәүләт заказчыларына чит ил софтын сатып алу тыела.
Россия Хөкүмәтенә бер ай эчендә дәүләт хакимияте органнары куллана торган программаларга карата таләпләрне раслау йөкләнде. Алты ай дәвамында хөкүмәткә «илебезнең радиоэлектрон продукциясен һәм телекоммуникация җиһазларын критик мәгълүмати инфраструктура субъектлары тарафыннан өстенлекле кулланылышта булуын тәэмин итүгә юнәлдерелгән чаралар комплексын гамәлгә ашырырга» кирәк булачак, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз