Җәмгыять 18 декабрь 2014 17:05

Путин чыбыклы телевидениедә рекламаны тыюны федераль каналларга ярдәм итү белән бәйләде

Дәүләт башлыгы ассызыклаганча, чикләү турындагы карар белән хакимият түгел, ә масс-медиа вәкилләре чыккан

Скопировать ссылку

(Казан, 18 декабрь, «Татар-информ»). Россия Президенты бүгенге матбугат конференциясе барышында журналистның чыбыклы телевидениедә рекламаны тыю турындагы соравына җавап бирде. "Без карар кабул итәргә тиеш: я федераль каналларга турыдан-туры федераль бюджеттан ярдәм итәргә, ә бу социаль җаваплылык - пенсия, пособиеләр белән тәэмин итү, армия һәм башкаларны истә тотып шактый катлаулы, я Россиядә булган реклама базарының кимеп барган күләменнән файдалану мөмкинлеге бирергә", - диде ул.

Дәүләт башлыгы сүзләренчә, чыбыклы телевидениедә рекламаны чикләү турындагы карар белән хакимият түгел, ә масс-медиа вәкилләре чыккан.

"Моның асылы шунда - чыбыклы каналлар бар икән, аларны берәү дә ябарга җыенмый, аларга үзләренә акча эшләргә өйрәнергә кирәк. Бу инде аудитория эше - алар моның өчен акча түләргә телиме, әллә юкмы", - дип өстәде Путин.

Фотосурәт kremlin.ru сайтыннан алынды.

Сәхифәләр

Путин чыбыклы телевидениедә рекламаны тыюны федераль каналларга ярдәм итү белән бәйләде