Путин Чаллының «Ремдизель» җәмгыятенең ике хезмәткәренә дәүләт бүләкләре тапшырды
Скопировать ссылку
Россия Президенты Владимир Путин дәүләт бүләкләре тапшыру турындагы карарны имзалады. Башкалар арасында ике татарстанлы да бар. Документ хокукый мәгълүмат порталында чыкты.
«Ремдизель» АҖ генераль директоры урынбасары — баш конструкторы Игорь Зарахович ирешкән хезмәт уңышлары һәм күпьеллык намуслы хезмәте өчен II дәрәҗә «Ватан алдындагы казанышлары өчен» ордены медале белән бүләкләнде, ә предприятиенең механик җыю эшләре слесаре Владислав Рагузин «Россиянең атказанган машина төзүчесе» булды.
«Машина төзелеше өлкәсендәге казанышлары һәм күпьеллык намуслы хезмәте өчен», диелә документта.