Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Владимир Путин: Быел бөртеклеләр уңышы 140 млн тоннадан артык булачак
Быел Россиядә бөртеклеләрнең уңышы бик яхшы булыр дип көтелә. Хәзерге вакытта илдә 130 млн тонна ашлык җыелган. Бу турыда РФ Президенты Владимир Путин алдынгы инженерлык мәктәпләренең җитәкчеләре белән очрашуда әйтте.
«Авыл хуҗалыгы министры Дмитрий Патрушев быел бездә бик яхшы уңыш булачагын хәбәр итте. Инде 130 миллион җыйдык, диде. Шулай булгач, 140 миллион тоннадан артачак», - диде Путин.
Аның сүзләренчә, илдә мондый югары уңышка заманча техника һәм технологияләр ярдәмендә ирешелгән. Советлар Союзы чорыннан бирле бу күрсәткеч берничә тапкыр артты. Хәзер агросәнәгать комплексы - югары технологияле тармак. Ул нәтиҗәле булудан тыш, дөнья базарындагы башка илләрнең продукциясе белән дә көндәшлек итә ала.
Ахырда ул аграрийларга югары нәтиҗәләр өчен рәхмәт белдерде. «Алар әле төгәл түгел. Ләкин шулай да эшләнгән эш яхшы инде. Бу бик мөһим. Һәрвакытта, ә бүген Россия, безнең ил өчен — бигрәк тә мөһим», - дип йомгаклады ул.
Кызыклы яңалыкларны күзәтеп бару өчен Телеграм-каналга язылыгыз