Путин: Бу елда Россиядә уртача гомер озынлыгы 74 яшь булыр дип көтелә

Скопировать ссылку

Бу елда Россиядә уртача гомер озынлыгы 74 яшь булыр дип көтелә. Бу хакта туры элемтә барышында Россия Президенты Владимир Путин әйтте.

Ул соңгы өч елда гомер озынлыгы өч яшькә артуын искәртте.

«Яшәү озынлыгы турында гел әйтәбез. Динамикага игътибар итегез», - диде Илбашы.

Аның сүзләренчә, гомер озынлыгы артуы дәүләтнең икътисадта һәм социаль өлкәдә куйган көче, тырышлыгы шушы күрсәткечкә ничек тәэсир итүен күрсәтә.