Путин бензин бәясен киметү мөмкинлеген карарга вәгъдә бирде
Бүгенге көндә бензинга бәяләр нефтькә, шулай ук акцизалар дәрәҗәсенә бәйле, диде Россия Президенты.
(Казан, 1 февраль, “Татар-информ”). Россия Президенты Владимир Путин Монополиягә каршы федераль хезмәт башлыгы Игорь Артемьев белән Россиядә бензинга бәяләрне киметү турында фикерләшәчәген вәгъдә иткән. Бу хакта РИА Новости хәбәр итә.
“Билгеле, бүгенге бәяләр артуын ерып чыгар идек, моңа мөмкинлек тә бар. Кайбер төбәкләрдә бу дәлилле, чөнки кайтару кыен, инфраструктура үсеш алмаган. Монополиягә каршы федераль хезмәт һәрвакыт аны күзәтеп торырга тиеш. Мин ведомство башлыгы белән бу хакта сөйләшеп карармын”, - дип белдергән Путин “Ростсельмаш” хезмәткәрләре белән сөйләшкәндә.
Бүгенге көндә бензинга бәяләр нефтькә, шулай ук акцизлар дәрәҗәсенә бәйле, дип билгеләп үткән дәүләт башлыгы.