Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин белән Трамп 2019 ел башында кабат очрашырга мөмкин
Дәүләт башлыклары Арктика саммиты кысаларында күрешер дип көтелә.
(Казан, 11 октябрь, «Татар-информ»). Россия Президенты Владимир Путин һәм АКШ Президенты Дональд Трамп 2019 ел башында Финляндиядә кабат очрашырга мөмкин. Бу хакта РИА Новости агентлыгы Helsingin Sanomatсо газетасына сылтама ясап хәбәр итә.
Дәүләт башлыклары Арктика саммиты кысаларында очрашыр дип көтелә. Газета мәгълүматларына караганда, хәзер аның датасын билгелиләр.
- Арктика советы – Төньякның уникаль табигатен саклау өчен Финляндия инициативасы буенча гамәлгә куелган халыкара форум.
Финляндия Президенты билгеләп үткәнчә, графикның нинди булуы кунакларга бәйле. Америка Президенты Арктика саммиты буенча ноябрьдә карар кабул итәр дип көтелә.
- Россия белән Америка арасындагы тулы форматлы тәүге сөйләшүләр Трамп АКШ Президенты итеп сайланганнан соң, 16 июльдә Хельсинкида узды. АКШ Президенты саммиттан соң Twitter социаль челтәрендәге үз сәхифәсендә Путин белән икенче очрашуны түземсезлек белән көтүе хакында әйткән иде.
Кызыклы яңалыкларны күзәтеп бару өчен Телеграм-каналга язылыгыз