news_header_top
Руc Тат
16+
news_header_bot
news_top
Җәмгыять 25 ноябрь 2016 18:22

Путин белән матбугат конференциясе 22 декабрьдә узачак

Россия Президенты белән үткәрелүче традициягә кергән зур матбугат конференциясенә аккредитация башланды.

Скопировать ссылку

(Казан, 25 ноябрь, "Татар-информ"). Россия Президентының матбугат хезмәте һәм мәгълүмат идарәсе аккредитация һәм брифинглар департаменты РФ Президенты Владимир Путин белән узачак матбугат конференциясендә катнашу өчен массакүләм матбугат чаралары вәкилләрен аккредитацияли башлады. Бу хакта Кремль матбугат хезмәте хәбәренә сылтама белән "Интерфакс" агентлыгы хәбәр итә.

Матбугат конференциясе 22 декабрьдә узачак. Анда катнашу өчен Федераль мәгълүмати технологияләр һәм гаммәви коммуникацияләр өлкәсендәге күзәтчелек хезмәтендә теркәлгән Россия массакүләм матбугат чаралары һәм РФ Эчке эшләр министрлыгында аккредитацияләнгән чит ил журналистлары заявка бирергә хокуклы.

Искәртеп үтик, Россия Президенты журналистлар белән традицион рәвештә Яңа ел алдыннан очраша. Узган ел журналистлар белән аралашу өч сәгатьтән артык барды һәм сораулар шактый төрле булды. Анда узып буручы елның төп мәсьәләләреннән алып яңа елга фаразлар һәм планнар күтәрелде.
 

#Путин
news_right_1
news_right_2
news_bot