Җәмгыять 26 декабрь 2023 19:57

Путин БДБ илләре лидерларын Казанга «Киләчәк уеннары»на чакырды

Скопировать ссылку

Россия Президенты Владимир Путин киләсе елда Казанда узачак «Киләчәк уеннары»на БДБ илләре лидерларын дәрәҗәле кунаклар булырга чакырды. Бу хакта ул Константиновск сараенда рәсми булмаган очрашуда белдерде.

Берлектә гуманитар хезмәттәшлекнең аерылгысыз өлеше булып физкультура һәм спорт тора. Аның үрнәге БДБ илләренең агымдагы елның августында Беларусьта узган II Уеннары булырга мөмкин.

«Киләсе елның февралендә бездә, Казанда, инновацион «Киләчәк уеннары» узачак. Бу Россия тәкъдим иткән спорт чараларының яңа форматы, ул спорт дисциплиналарын да, киберспортны да берләштерә. Барыгызны да 2024 елның 21 февралендә Казанда «Киләчәк уеннары»ның тантаналы ачылышына чакырасым килә», - дип белдерде ул.

Путин игълан иткән тагын бер зур вакыйга - 2024 елның 1 мартыннан 7 мартына кадәр Сочида узачак Бөтендөнья яшьләр фестивале. Президент сүзләренчә, чарага 180нән артык ил вәкилләре килүе көтелә.

Дәүләт башлыгы искәрткәнчә, Россия Евразия киносәнгать академиясен төзү һәм Евразия кинопремиясен булдыру, «Интервидение» халыкара популяр җыр конкурсын торгызу тәкъдимен чыгарды. «Сезнең яхшы реакциягезгә өметләнәбез һәм БДБнең барлык илләрен бу проектларны гамәлгә ашыруда катнашырга чакырабыз», - дип йомгаклады ул.

#Киләчәк уеннары

Сәхифәләр

Путин БДБ илләре лидерларын Казанга «Киләчәк уеннары»на чакырды