Җәмгыять 27 декабрь 2024 09:35

Путин әсирлеккә төшкән һәм хәбәрсез югалган хәрбиләрнең балалары өчен түләүләр билгеләде

Скопировать ссылку

Россия Президенты Владимир Путин шул исәптән махсус операциядә катнашу чорында әсирлеккә төшкән яки хәбәрсез югалган хәрбиләрнең балаларына айлык социаль түләүләр турындагы указны имзалады. Шул хактагы документ хокукый актлар сайтында урнаштырылган.

«Махсус хәрби операциядә катнашу чорында яки террорчылыкка каршы операцияләр үткәрелә торган территорияләрдә яисә Сирия Гарәп Республикасы территориясендә махсус бурычлар үтәгән вакытта әсирлеккә төшкән яки хәбәрсез югалган хәрби хезмәткәрләрнең балаларына Россия Федерациясе субъектында (балаларның яшәү урыны буенча) алар өчен билгеләнгән яшәү минимумы күләменә тигез булган айлык социаль түләү билгеләргә», - диелә документта.

Түләү бүлекчә командиры боерыгында күрсәтелгән, хәрби хезмәткәр әсирлеккә алынган яки хәбәрсенсез югалган датадан, әмма 2024 елның 1 декабреннән дә иртәрәк түгел, билгеләнәчәк. Шул ук вакытта, әлеге пособие башка социаль түләүләргә йогынты ясамаячак.

Сәхифәләр

Путин әсирлеккә төшкән һәм хәбәрсез югалган хәрбиләрнең балалары өчен түләүләр билгеләде