Рәсми Татарстан 3 сентябрь 2014 13:23

Путин, Андрей Стенинның туганнары һәм якыннарына кайгы уртаклашу сүзләрен белдерде

«Россия сегодня» ХМА фотохәбәрчесе Андрей Стенин Украинада Донецк тирәсендә һәлак булган

Скопировать ссылку

(Казан, 3 сентябрь, «Татар-информ»). Владимир Путин, фотохәбәрче Андрей Стенинның һәлак булуы уңаеннан, туганнарына һәм якыннарына кайгы уртаклашу сүзләрен белдерде, дип хәбәр итә Кремль матбугат хезмәте.

Искәртеп узабыз: «Россия сегодня» Халыкара мәгълүмат агентлыгы фотохәбәрчесе Андрей Стенин Украинада, Донецк тирәсендә һәлак булган.
“Безнең хезмәттәшебез фотохәбәрче Андрей Стенин һәлак булган. Ул пленда булмаган”. – дип белдерде «Россия сегодня» Халыкара мәгълүмат агентлыгы генераль директоры Дмитрий Киселев.

“Ул бер ай элек редакция биремен үтәргә барганда машинада һәлак булган. Донецк янында ул утырган автомобильгә атканнар һәм ул янган. Бүген экспертиза нәтиҗәләре билгеле булды: бу машинада, чыннан да, 33 яшьлек яшь һәм тормыш сөючән егет, үз эшенең остасы Андрей Стенин булган”, - диелгән хәбәрдә.

Украинаның көнчыгышында эшләгән фотохәбәрче Стенин август башында хәбәрсез югалган иде, бүгенге көнгә кадәр аның язмышы билгесез булды.

(Фотосурәт ria.ru сайтыннан алынды).

Сәхифәләр

Путин, Андрей Стенинның туганнары һәм якыннарына кайгы уртаклашу сүзләрен белдерде