Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин Алинә Заһитованы Дуслык ордены белән бүләкләде
Россия Президенты Олимпиадада зур уңышларга ирешкән Россия спортчыларына дәүләт бүләкләре тапшырды.
(Казан, 1 март, «Татар-информ»). Россия Федерациясе Президенты Владимир Путин Мәскәү Кремлендә Пхёнчханда узган XXIII кышкы Олимпия уеннары җиңүчеләре һәм призерларына дәүләт бүләкләре тапшырды. Алар арасында фигуралы шуучы Алинә Заһитова һәм чаңгычы Андрей Ларьков та бар, дип хәбәр итә Татарстанның Россиядәге Тулы вәкаләтле вәкиллеге матбугат хезмәте.
Тимераякта фигуралы шуу буенча Олимпия чемпионы Алинә Заһитова Дуслык ордены белән бүләкләнде.
Россия Президенты чаңгы ярышлары буенча көмеш һәм бронза медальләр яулаган Андрей Ларьковка Беренче дәрәҗә «Ватан алдындагы хезмәтләре өчен» ордены медален тапшырды.
Шунысын да искәртик: гомуми зачетта Россия спортчылары 13 нче урында, алар 17 медаль (шуларның икесе – алтын, алтысы – көмеш, тугызы – бронза) яулады.
Кызыклы яңалыкларны күзәтеп бару өчен Телеграм-каналга язылыгыз