Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Путин: 1 апрельдән төбәкләрдә медицина хезмәткәрләре хезмәт хакы 50 процентка кадәр арта
2024 елның 1 апреленнән төбәкләрдә медицина хезмәткәрләре хезмәт хакының оклад өлеше шактый үсәргә тиеш. Киләчәк технологияләр форумының пленар утырышында Россия Президенты Владимир Путин шулай дип чыгыш ясады.
Ул ассызыклаганча, бу карар төбәкләрдә эшләүче барлык медикларга да кагылырга тиеш.
«1 апрельдән төбәкләр (медицина белгечләренә) хезмәт хакының оклад өлеше, өстәмә түләүләрне саклап, 50 процентка кадәр арттырырга тиеш. Без һәрвакыт фиксацияләнгән өлешнең тәэмин ителергә тиешлеге турында сөйлибез», – дип ассызыклады Президент.
Моннан тыш, хөкүмәт мәҗбүри медицина иминияте системасында эшләүче федераль оешма хезмәткәрләренә карата шундый ук карар кабул итәргә тиеш.
Исегезгә төшерәбез, дәүләт башлыгы шулай ук кече шәһәрләрдә һәм авыл җирлекләрендә эшләүче беренчел звено медицина хезмәткәрләре өчен айлык түләүләрне арттыру турында игълан итте.
Кызыклы яңалыкларны күзәтеп бару өчен Телеграм-каналга язылыгыз