Июль аенда Казаннан Абхазиягә туры даими авиарейслар ачыла
Скопировать ссылку
Россиянең Nordwind Airlines авиакомпаниясе 19 июльдә Казан – Сухум маршруты буенча туры рейслар ача. Бу хакта авиакомпаниянең рәсми сайтында хәбәр ителә.
«Авиакомпания Абхазиягә очышлар программасын шактый киңәйтә. Бу җәйдә расписание Россиянең кайбер шәһәрләреннән Сухум аэропортына туры даими рейслар белән тулыландырыла», - диелә хәбәрдә.
Казаннан Сухумга һәм кире юнәлештә рейслар сишәмбе һәм якшәмбе көннәрендә башкарылачак. Юлга өч сәгатьтән артык вакыт китә.
Россия гражданнарына Абхазиягә керү өчен виза кирәкми.