Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Татарстанда федераль юлларның яктыртылган участоклары озынлыгы 414 чакрымга кадәр арта
Татарстанда федераль автомобиль юлларының яктыртылган участоклары озынлыгы, 39 чакрымга артып, 414 чакрымга җитәчәк. «Волго-Вятскуправтодор» башлыгы Илнур Нурмөхәммәтов «Татар-информ» агентлыгына биргән интервьюсында шул хакта хәбәр итте.
«Тәүлекнең караңгы вакытында юлларны яктырту юл-транспорт һәлакәте куркынычын сизелерлек киметә. Быел без масштаблы программаны гамәлгә ашырабыз», – дип белдерде ул.
Нурмөхәммәтов Казан – Оренбург трассасында һәм Ижевскига керү юлында реконструкция һәм капиталь ремонт вакытында 29 чакрым озынлыгындагы участок яктыртылачагы турында әйтте. М-7 трассасының Казан янындагы участогында М-12 тизйөрешле магистрале белән кисешкән урында 8,4 чакрым озынлыгында яктырту линиясе урнаштырылачак. «Шул рәвешле, Казаннан тизйөрешле яңа магистральгә керү юлы тулысынча яктыртыла», – дип өстәде ул.
Моннан тыш, идарә башлыгы сүзләренчә, Поспелово авылы янындагы автобус тукталышы, шулай ук Казан – Оренбург трассасында Бөгелмә янындагы участок (311 – 312 чакрым) яктыртылачак.
«Юл-транспорт һәлакәтенең иң куркыныч төре - каршы як полосага чыгу. Шуңа күрә барьерлар куябыз. Бу сезонда капиталь ремонт үткәрелә торган участокларда 89 чакрым озынлыгындагы шундый конструкцияләр урнаштырылачак», – дип сүзен төгәлләде ул.
Яңалыкларны күзәтеп бару өчен Макс-каналга язылыгыз